«Акча юк иде»: Алсу һәм Азат Фазлыевлар бәләкәй бала белән Мәскәүгә барганны искә ала

Кичә Мәскәүнең «Космос» залында «Татар җыры» фестивале булды. Анда Алсу һәм Азат Фазлыевлар да катнашты. Мәскәүгә килгәч, җырлы гаилә акчасыз башкалага килгән вакытларын искә ала.

«Моннан Останкино манарасы күренеп тора. Улыбыз Аязга 3-4 яшь булганда, поезд белән Мәскәүгә киттек. 2 катлы өр-яңа поезд иде. Ул вакытта акча юк. Санаулы, дип әйтәсе килә. Акчаны тотмыйбыз, дигән план. Останкино манарасыннан ВДНХга җәяү килдек. Такси, метрода йөрмәдек. Аннан соң әле Кремльгә төштек. Аязны аркага асып, күтәреп йөрдем. Акча булмагач, җәяү йөрдек. Арып беткән идек. Коляска да юк иде. Менә шундый хатирәләр», – дип сөйлиләр алар.