ВКонтакте төркемендәге «Подслушано Тат-Шоубиз» төркемендә Алсу Фазлыеваның «Крокодил Гена җыры»н көйләгән видеосын урнаштырганнар. Алсу, гадәттәгечә, челтәрле бизнес эше буенча туры эфир үткәрә булса кирәк. Кайвакыт берәр җыр башка кереп урнаша да, үзалдыңа шуны шыңгырдатып йөрисең бит әле. Алсу да шулай эшләгән, ләкин башкалардан аермалы буларак, ничәмә-ничә кеше карый торган туры эфир вакытында «Тат-Шоубиз» төркеменең админы да: «Мин шулай душта җырлыйм. Алсу, син минем көнемне ясадың. Алты тапкыр карадым, тынычландырыгыз мине», – дип шәрехләгән видеоны.
Алсуның русча җыры админның гына түгел, социаль челтәрдә утыручыларның да кәефен күтәргән.
«Урысча бик үк түгел икән», «Мин дә автор кебек әллә ничә тапкыр карадым», «Мондый тавыш белән бәдрәфтә «буш түгел» дип кычкырырга гына», – дип язганнар һәм елмаюлы смайллар калдырган алар.