Алсу Фазлыеваның әнисе: «Фотога төшү - авыр эш икән»
Җырчы әнисе белән фотосессиягә барганын һәм кибеттә йөргәнен видеога төшергән.
Алсу Фазлыева әнисе белән фотосессиягә барган. Җырчы куйган видеода Алсу төрлечә фотога төшә, ә әнисе карап утыра. «Фотога төшү - авыр эш икән, абзарга чыгып хайван карау җиңелрәк», — ди әнисе.
Җырчы әнисе белән аяк киемнәре сата торган кибеткә дә барган. Әнисе биек үкчәле аяк киеме турында: «Моның белән ничек йөрергә кирәк инде? Кара инде моны... Атларсың да егылырсың, атларсың да егылырсың», — ди.
«Әниегезне бик кадерлисез, сокланам», «Әниегез матур», «Авыл апасыннан да мөлаемрак, тыйнак кеше бармы икән», «Әниегез бик сөйкемле, акыллы, җылы күз карашлы ханым», — дип җылы комментарийлар калдырган җырчының виртуаль дуслары.
