Алсу Фазлыевадан иртәнге аш рецепты
Иртәнге ашны бәйрәмгә әйләндерү өчен җайлы гына рецепт тәкъдим итәбез.
Алсу Фазлыевадан тәмле иртәнге аш рецептын тәкъдим итәбез.
Иртәнге аш әзерләү өчен тозлы кызыл балык, ипи, шпинат яфрагы, йомырка, көнҗет орлыгы кирәк була.
Соус өчен: 4 йомырка сарысы, 200 атланмай, лимон согы, 2-3 аш калагы су.
Телемләп киселгән ипине коры табада киптереп алырга. Өстенә телемләп киселгән балык куярга.
Кайнап торган суны тиз-тиз болгатырга. Йомырканы савытка сытарга һәм «әйләнеп» торган суга салырга. Йомырканың сарысы пешеп китәргә тиеш түгел, шуңа күрә 1,5-2 минуттан алырга кирәк. Йомырканы җайлап кына балык өстенә куярга.
Соус ясау өчен атланмайны «су мунчасы»нда эретергә.
Йомырка сарысына лимон согы сыгарга, яхшылап болгатырга, су салырга, кабат болгатырга.
Йомырка массасын май өстенә салырга, сүрән утта торган массаны куерганчы болгатып торырга кирәк.
Аннары йомырка өстенә бер аш кашыгы салырга һәм көнҗет орлыгы сибәргә.
Иртәнге ашыгыз тәмле булсын!