Алсу Фазлыева мәрхүм әтисенең чынга ашмаган хыялы турында әйтте
Җырчы улы белән гаилә фотолары караган фото куйган.
Алсу Фазлыева кайчандыр әтисе алып куйган тулай торак бүлмәсен сатулары турында хәбәр итә.
«Әти заманында үзе теләгән машинаны алмый, безгә — балаларына дип, тулай торакта 18 квадрат метрлы бүлмә алган иде. Бу вакыйгага 9 ел да үтеп киткән икән. Бүлмә калды, ә әти инде юк… Бүлмәне сатып, акчасын дүрткә бүлдек — әнигә, сеңлемә, энемә һәм миңа.
Бу пост белән нәрсә әйтәсем килә?! Минем өчен бүгенге көндә ул акчага караганда, әтинең рәхәттә яшәве күпкә кадерле булыр иде. Шөкер, акчасын эшлибез, эше генә булсын. Ә кайчандыр иномарка Тайота Королла турында хыялланган әтием, үзен мәхрүм итеп, балалар хакына яшәгән.
Гомер буе колхозда шофер булып эшләгән әтинең хыялында гына калды ул машина. Урының оҗмах түрендә булсын, Әтием!», — дип язган җырчы.
«Әти-әни безнең укытучылар! Беркайчан да үз хыялыгыздан баш татрмагыз», — дип киңәш иткән бер инстачы. Аның белән килешүчеләр дә бар.
«Ата-ана гомер буе бала дип яши инде», — дип язган җырчының тамашачылары.