Алсу Әбелханованы балаларын татарча өйрәтмәүдә гаеплиләр
Җырчы гаиләсен сыйлавын видеога төшергән.
Җырчы Алсу Әбелханова гаиләсен сыйлаган вакытны видеога төшергән. Видео янына: «Сездә дә шулаймы?! Ирем бер дә усал түгел!» - дип язган.
Видеода җырчы гаиләсен коймак, бәлеш һ.б. белән сыйлый. Аннары Алсу Әбелханова: «Бүгенге көннән ашарга пешерүне чиратка салабыз», — ди. Аны йомырка белән сыйлыйлар.
Видеода әле ире, әле уллары: «Бүген нәрсә ашыйбыз?» - дип авырлык белән татарча әйтәләр.
«Бик кызык видео. Кызганыч, балаларыгыз татар телендә бер җөмлә төзи алмый. Бу - ата-аналарның зур гаебе. Милләт бетеп бара дигән сүз», - дип язган беренче комментарий язучы.
«Без бу видеоны ике телдә төшердек, рус дусларым да аңласын дип. Нинди гадәт ул, кешене тикшереп, гаеп эзләп, өйрәтеп утыру. Кызык әйбердән дә ниндидер хата табып, милләт темасын куптарып!» — дип җавап язган җырчы.
«Булышмыйлармы бер дә?» - дип сораган бер инстачы.
«Бик булышалар… Ләкин пешерә белмиләр», - дип шаярткан җырчы.
«Йомырка шедевр булган»;
«Ачуны чыгара инде аш бүлмәсе. Мин дә ашарга пешерүне чиратка салмакчы идем, әмма файдасыз!»;
«Плитәне күрә дә алмыйм»;
«Без дә шул хәл инде», - дип комментарийлар калдырган җырчы тормышын күзәтүчеләр.