Әлшәй районында төнлә 16 яшьлек үсмер ясаган авариядә 13 яшьлек кыз, 19 яшьлек егет үлгән
Башкортстанның Әлшәй районында юл һәлакәтендә 2 үсмер үлгән. 16 яшьлек малай машина ачкычын анасыннан сорамыйча ала, дусларын утырта һәм йөрергә чыгып китә. Бу турыда Башкортстан прокуратурасына сылтама белән «Башинформ» яза.
Юл һәлакәте узган төндә Стәрлетамак-Раевский юлының 70нче чакрымында була. Hyundai Creta машинасы рулендәге 16 яшьлек үсмер идарәсен югалта, юл кырыена төшеп китә. Машина салонындагы 13 һәм 19 яшьлек ике пассажир һәлак була.
13 яшьлек кыз бала фаҗига урынында ук үлә. 19 яшьлек 2 егетне хастаханәгә алып китәләр. Бераздан егетләрнең берсе реанимациядә вафат була, диелә хәбәрдә.
