Алмаз Мирзаяновны «дөнья баскан»
Җырчы Алмаз Мирзаянов соңгы вакытта олыгаеп, җитдиләнеп киткән сыман… Бактың исә, ул үзе дә япь-яшь мәшәкатьсез Алмазны сагына икән.
«Сез дә кайчагында элеккеге үзегезне сагынасызмы ул? Әйләнә-тирәмә карыйм да, юктан гына кызык табып постлар язучы, шәп кадр күрсә, хәтта машинасын туктатып, матур фотолар төшерүче Алмазны күрмим. Күрсәгез, әйтегез әле. Сагындык, кайт, диегез, яме”, — дип язган соңгы постында Алмаз.
«Һәр чорның үз матурлыгы, үз кыйммәте, улым. Аны үтеп киткәч кенә аңлыйсың, тоясың, сагынасың шул», «Ун елдан хәзерге чагыңны сагынырсың әле», «Дөнья баса Алмазны…», «Әлеге Алмаз да ничава, әлегесе яхшы ир солтаны», «Кирегә юллар юк, бары тик алга!», «Йөрәкне тетрәндергән, хисләрне шаштырган шигырьләр укучы Алмаз безгә бик якын», «Хәзерге тормышыңа куанып, шатланып яшә. Артка борылып карарга вакытың булмасын», «Яшь барган саен шулайрак була шул ул, тора-бара тормышка икенче күзлектән карый башлыйсың, барысы да яхшы булыр, Алла боерса» — дип язганнар аңа инстадуслары.
