Алмаз Мирзаянов яңа җырлары турында: «Машинада акыртып тыңласаң, сөйгәнең үзе килеп таба»

Зөлфирә һәм Алмаз Мирзаяновлар социаль челтәрдәге сәхифәләрендә «Җирдә сөю бар икән» дигән яңа җырларын тәкъдим итте.

«Белгечләр фикеренчә, бу җырны тыңлаганда яраткан кешеңне биергә чакырсаң, мәхәббәт бермә-бер артып китә икән! Әле гашыйк булмаганнар машинада акыртып тыңласа, сөйгәне үзе килеп таба, ди! Машина булмаса, телефонда булса да тыңлап йөрергә кирәк. Наушникта тыңлап йөрсәгез, нык итеп елмаеп йөрергә кирәк. Шул вакытта дөнья матурланып китәчәк», – дип уены-чыны белән язган Алмаз Мирзаянов.

«Әйдәгез, комментарийлар көтеп утырам», – дип тә язган артист.

Яңа җырның авторлары – Гөлүсә Шаһбан һәм Нияз Вәлиев.