Иҗади гаилә Зөлфирә һәм Алмаз Мирзаяновлар Әтнә районы Яңа Шашы авылы Сабан туенда чыгыш ясады. Алар авыл халкына һәм кунакларга халык яратып өлгергән җырларын тәкъдим итте. Зөлфирә үз чыгышында, сәхнәдән төшеп, мәйдан буйлап җырлап китте. Шул вакытта аны Алмаз сәхнәдә көтеп торды. «Әйдә, кайт инде», – диде Алмаз Зөлфирәгә.
«Мәйданда булганда тагын берне җырлыйм инде», – диде Зөлфирә. Шул вакытта җырчы мәйданда утырган мөлаем бер апага дәште: «Апа, кочаклыйм әле үзегезне. Сезнең яннан бер елга җитәрлек энергия алып китәбез бит».
«Бик яратабыз сезне, концертларыгызны калдырмыйбыз. Балаларыгыз күп булсын, 10 бала алып кайтыгыз», – дип әйтте ул.
«Ул вакытта Алмаз минем белән яшәмәс инде», – диде Зөлфирә.
«Мин яшәрмен, ә син яшәрсеңме? Минем 55 яшькә кадәр бала табасың була икән әле», – диде Алмаз, Зөлфирәне кочаклап.