Алмаз Мирзаянов концерттан соң артистларның нәрсә турында сөйләшкәннәрен әйтте
Сезнең гайбәтегезне сатабыз, ди җырчы.
Алмаз Мирзаянов концерттан соң артистларның нәрсә сөйләшкәннәрен әйтте.
«Сезнең гайбәтегезне сатабыз. Сезнең турында сөйләшәбез. Һәммәгез турында диярлек сөйләшеп чыгабыз. Сез күз алдына китерә алмыйсыз безнең тормышыбызда нинди зур роль уйнаганыгызны. Сезнең хуплау, тәнкыйть сүзләрегез безне яшәтә», — диде ул концертында.
Алмаз Мирзаянов тамашачылар ярдәме белән «Очар канатым» җырының җиңүгә ирешкәнен әйтте.
«Моңа кадәр мине фестивальләргә чакырып бүләк биргәннәре юк иде. Әллә моңымны аңламаганнармы шунда? Зөлфирә белән җырлый башлагач, аның аркасында диик күбрәк — уртак җиңүебез — ТМТВ лауреатлары булдык. Шуңа күрә һәрберегезнең бу премиядә өлеше бар… дисәм, акча дип уйлап, өләшә башлыйлар дип уйлый күрмәгез, — дип көлдерде ул тамашачыларны. — Бу җыр яңгырый башлагач, телевизорны сүндереп куймагансыз икән, бу премиядә һәрберегезнең өлеше бар».