Алмаз Мирзаянов фокусчы Илназ Гариповка: «Кайбер оешмалар безнең акчаны шулай итә»

Татар эстрадасыннан хәзерге вакытта югалып торучы Илназ Гарипов фокуслар күрсәтеп йөри башлаган. Илназны Алмаз Мирзаянов «Гомернең асылын аңлагыз» җырына клип төшергән вакытта чакырган. Видеолардан күренгәнчә, Илназ Гарипов клиптагы төп геройга фокус күрсәтергә өйрәтә.

Алмаз Мирзаянов кызыллы-каралы чүпрәк тоткан Илназдан фокусын кабат күрсәтүен сорый. Берничә мизгелдә фокусчы кулындагы чүпрәк кисәге юкка чыга. «Менә, кайбер оешмалар безнең акчаны шулай итә, аннан соң безнең җырларны күрсәтәләр», – дип төрттерә Алмаз Мирзаянов.