Алмаз Мирзаянов белән Зөлфирә Шәйдуллина «мәхәббәт бөркелә» торган клип төшергән
Клип «ап-ак» төстән тора — агачларга бәс кунган кышкы урманда актан киенгән җырчылар.
Алмаз Мирзаянов белән Зөлфирә Шәйдуллина яңа җырга клип төшергән.
«Бер сөю» җырының сүзләрен Айдар Минһаҗев, ә көен Нияз Вәлиев язган.
Иҗади гаиләнең тамашачысы яңа җырга клипны бик җылы кабул иткән. Алар бәхет теләгән һәм яшь парга соклануларын белдергән комментарийларны күп калдырган:
«Бик шәп, текә клип. Җылылык, мәхәббәт бөркелә, аклык, сафлык. Һәрвакыттагыча, афәрин»;
«Бик матур җыр, башкаруыгыз супер. Шуңа туры килгән табигать матурлыгы бу җырга тагын да ямь өсти. Менә шушы матурлыкны югалтмыйча, җырдагыча тормыш юлыннан һәрвакыт бергә атлагыз, бәхетле булыгыз»;
«Бу клипка дөньядагы барлык матурлык сыйган. Күз тимәсен сезгә, сокланам».
