Кичә кич Татарстанның Әлмәт районында авариядә 36 яшьлек ир-ат һәлак булган. Бу хакта «Челнинские известия» газетасы яза.
Республиканың Дәүләт автоинспекциясе хәбәр иткәнчә, «ВАЗ» автомобиленең 36 яшьлек йөртүчесе имин тизлек сакламаган, юлдагы метеорологик шартларны исәпкә алмаган (трассада кар салган була), каршы як полосага чыга һәм электр тапшыру линиясе баганасына килеп бәрелгән.
Йөртүче һәлак булган. Авариянең сәбәпләре ачыклана.
