Әлмәт районында БПЛА һөҗүме нәтиҗәләрен бетерү дәвам итә. Урында кирәкле барлык көчләр һәм экстрен хезмәт чаралары эшли. Бу турыда район башлыгына сылтама белән «Татар-информ» яза.
«Ассызыклыйбыз: халык өчен куркыныч юк. Ситуация контрольдә тотыла», диелә хәбәрдә.
Хакимият искәрткәнчә, БПЛА очышын, һава һөҗүменә каршы тору көчләре (ПВО) эшен, аларны куллану нәтиҗәләрен фотога һәм видеога төшерү һәм тарату тыела.
Моңа кадәр Татарстан Рәисе матбугат хезмәте җитәкчесе Лилия Галимова хәбәр иткәнчә, бүген иртән дошман беспилотникларын юк иткәч, Әлмәт районындагы сәнәгать зоналарының берсендә янгын чыкты, диелә бу хәбәрдә.
Якынча белешмә буенча, һәлак булучылар һәм зыян күрүчеләр юк. Район халкына куркыныч янамый.
Оборона министрлыгы белешмәсе буенча, узган төндә Татарстан өстендә өч БПЛА бәреп төшергәннәр. Россия төбәкләре өстендә Украинаның 152 беспилотнигы юк ителгән, дип яза «Татар-информ».