«Алмаш табылмады». «Һава торышы» алып баручысы Константин Куранов үлгәнгә бер ел тулды

«Эфир» телеканалы Константин Николаевич Курановны искә ала. Халык алып баручысы 1 ел элек 5 февральдә вафат булды. Аңа 86 яшь иде. Бу турыда «Татарстан 24» хәбәр итте.

«Хезмәттәшләре дә, тамашачылар да аны ягымлы итеп «бабай» дип йөртә иде: игелекле, күңелле, игътибарлы. Ул көн саен «Һава торышы» тапшыруы вакытында озак еллар дәвамында һәр кич саен һәркем өчен туганга әверелде», – диелә хәбәрдә.

Константин Куранов уникаль кеше иде. 70 яшендә экран йолдызы булганга гына түгел, Татарстан журналистларының берничә буыны аңа гыйлем өчен рәхмәтле. Ул 60 елга якын Казан университетында журналистика кафедрасында укытты.

Соңгы 2 елда, пандемия башланганнан бирле, туганнары һәм хезмәттәшләре аны ковидтан саклады. Шуңа күрә бу вакытта «Һава торышы» аннан башка чыкты. Бүгенге көнгә кадәр Анастасия программаны ялгызы гына алып бара, без аңа тиң алмаш таба алмадык, диелә бу хәбәрдә.