«Регион16» сайты хәбәр итүенчә, Актаныш Сабантуе чабышында ат үлгән.
Шаһитлар әйтүенчә, атта берничә километр туктаусыз чапканнар, һәм ул хәлсезләнеп егылган да үлгән.
Социаль челтәрләрдә атны кызганалар, сабан туена эшче атны чыгарып, бәйрәм ясыйм дип, малны үтергән кешеләрне тәнкыйтьлиләр. «Була торган хәл, малларны суеп та үтерәләр», – дип язучы да бар.
Галимҗан Ибраһимовның «Алмачуар» әсәрендә дә сабан туенда ат үлгән очрак тасвирлана. Бу әсәр – иң билгеле әсәрләрнең берсе.
