Алма бәлеше рецепты

Кирәкле ингредиентлар: әче камыр – 500 г. Эчлек өчен: алма – 450 г, шикәр комы – 50 г, атланмай – 50 г.

Эш барышы: Әче камырны 2 кисәккә бүләбез. Зуррак өлешен, 0,5 см калынлыкта җәеп, майланган табага салабыз. Туралган алманы, шикәр комы сибеп, йомшартылган атланмай белән катнаштырып, камыр өстенә тезәбез. Ка­мырның икенчесен, җәеп, алма өстенә каплыйбыз һәм, кырыйларын тоташтырып, берникадәр вакытка кабарырга кал­дырабыз. Өстенә валчык сибәбез.

Бәлеш эченә алманың теләсә нинди сорты ярый, шулай да йомшак алма әйбәтрәк. Шикәр комының күләме дә алманың төренә карап алына. Әгәр алма әчерәк икән, шикәр комы күбрәк салына яки киресенчә.

Бәлешкә алманы әрчеп, үзәген алып, озынча яки түгәрәк телемләп турыйбыз.

Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.