Алма-Атада яшәүче пенсионер апа Салават Фәтхетдиновтан өметен өзгән
Җырчыга үпкә белдереп һәм аны башка Казан артистлары белән чагыштырып, ул аның инстаграмында комментарий калдырган.
Алма-Ата шәһәрендә яшәүче пенсионер апа Гөлнар Сираҗиева Салават Фәтхетдиновка үпкә белдергән.
“Хөрмәтле Салават Зәкиевич, исәнмесез! Мин Сездән өметемне өздем. Башка кешеләрнең Сезгә язган хәбәрләре Сезне кызыксындырмый, ахрысы. Мин – пенсионер. Сезне Алма-Ата шәһәрендә концерт белән көтәбез дип инстаграмыгызда комментарий язган идем. Сез чакыруымны гел игътибарсыз калдырдыгыз. Нәрсә дә булса җавап биреп була иде бит инде. Ә менә Казанда яшәүче башка артистлар мин язган бер комментарийны да игътибарсыз калдырмый. Сез дә шундый булсагыз иде...Уңышлар Сезгә!” – дип язган Гөлнар апа Сираҗиева.
