![«Аллаһ» сүзе язылган иде» – Блогер Дилбәр Закирова могҗизалы хәл турында яза](https://intertat.tatar/resize/shd/images/uploads/news/2023/11/7/e94aa02766200f7dd7aa3de482b29ad1.jpg)
Мөселман хатын-кызлары өчен баш киемнәре брендын булдырган блогер Дилбәр Закирова социаль челтәрләрдә үзе белән булган могҗизалы хәл турында яза. Аның аш шулпасы салып куйган контейнерында «Аллаһ» сүзе пәйда булган.
«Бу видео белән фотоларны кешегә күрсәтергә дип төшермәгән идем. Ләкин куярга булдым. Чөнки миндә – шок!
14 сәгать буе сөяк шулпасы кайнаттым һәм аны контейнерларга салып, катырырга куярга җыенганда, берсенең капкачында «Аллаһ» сүзе язылганны күреп алдым. Әлеге сүз пар ярдәмендә барлыкка килгән.
Шулпа катканнан соң да контейнерда «Аллаһ» сүзенең эзләре калган. Бу – бик гаҗәеп инде…» – дип сөйләгән блогер сторисларында.