Җырчы Алия Төхвәтуллинага, әле әни булыр вакыты килеп җитмәсә дә, бәби тудыру йортына китәргә туры килгән.
«Мин бәби тудыру йортында, ләкин әлегә бәби тапмадым.Кайбер сәбәпләр аркасында мин биредә. Бәби белән барысы да яхшы. УЗИ һәм КТГ күрсәткечләре яхшы. Әмма табиб монда ятарга киңәш итте», – дип яза ул бу хакта сторисларында.
Җырчы улы Алимны бик сагынуын да яшерми. «Алим белән төшкән фотоларны кат-кат карап ятам. Янәшәмдә булмаганда бик сагынам улымны. Кичә минем яныма килеп киттеләр. Күз яшьләре белән саубуллашты, Алимны шундый кызгандым», – ди ул.
