![Алия Карачуринаның язылучылары аның каенанасына бүләк алмавына борчыла](https://tatar-inform.tatar/images/uploads/photo/2020/11/22/60e1f134fe596b3ad8c3ad61f95e1d31fa4a3e8e7e2dd5d143beb4a97e46.jpeg)
Алия Карачурина, парфюмерия кибетенә кергән вакытта, үзенең әнисенә бүләк алырга җыенуын әйткән. Социаль челтәрдә язылучылары аңа: «Ришатның әнисенә бүләк юкмы?» – дип ябырылган.
Кибеткә кергәндә, Алия бу көннәрдә Башкортстанга җыенулары турында әйтә. Артистлар бүген Уфадагы «Татар җыры»нда катнаша. Анда барганда, Алиянең әти-әнисе янына да кереп чыкканнар. Кибет ишек төбендә ул: «Бәлки, әниләр көненә үземнең әниемә берәр бүләк карармын», – дип әйткән булган.
Шуннан соң язылучылары аңа: «Кайнәгә юкмени?», «Алия, нигә үзегезнекенә генә, ә Ришатның әнисенә бүләк юкмы?», «Ә Ришатның әнисенә?» – дип яза башлаган.
«Мин кайвакыт әнине бүләксез дә калдырам хәтта. Тик бу юлы, ике әниемне дә хөрмәт итеп, берәр бүләк белән куандырам. Менә сез кайгырасыз, ә, башка проблемалар юк», – дип җавап кайтарган аларга җырчы.