Алия Карачурина белән Ришат Төхвәтуллин гөрләтеп никах уздырганнан соң, тугры тамашачылары инде хәзер аларның туй көннәрен зарыгып көтә. Тик яшьләр өчен ихлас шатланучылар белән бергә, алар бәхете өчен көенүчеләр дә бар икән, кызганыч.
Алиягә «син Ришатка ябышып чыктың» ише сүзләрне даими язып торалар икән хейтерлары. Алай гына да түгел, берәү аны, хәтта, Ришатны сихерләүдә гаепләгән. Әлеге диалогны Алия барлык виртуаль дусларына күрсәткән:
– Шуның аркасында гына син аның мәхәббәтенә әйләндең.
– Нәрсә? – ди Алия.
– Сихерләдең син аны. Ул үзенә башка хатын-кыз теләгән иде.
– Сез нәрсә сөйлисез...
«Әйе инде, мин түзмәдем һәм Ришатны сихерләдем», – дип көлгән Алия.
Уен-көлкегә борса да, һаман-һаман мондый сүзләр ишетеп торырга җиңел түгелдер Алиягә. Аңа сабырлык телибез. Чит-ят күзләрдән, сүзләрдән мәхәббәтегезне саклагыз, яшьләр!
Фото: Алия Карачуринаның шәхси аккаунтыннан