Алия Карачурина социаль челтәрдәрге аккаунтында бала белән төшкән фото куйган. Фотода Алия һәм Ришат баланы кулыннан җитәкләп барган мизгел сурәтләнгән.
– Безгә килешә бит, әйеме? – дип сораган Алия виртуаль дусларыннан.
Фотоны халык бик ошаткан, баланы Алия белән Ришатның баласыдай кабул иткәннәр: «Бик бара. Шундый матур гаилә. Алия, бәби алып кайтуыгызны көтәбез. Әйдәгез, сөендерегез әле безне», «Балалар һәркемгә дә килешә», «Бик килешә. Аллаһы Тәгалә үзегезгә бирсен. Балалар табып, тигезлектә үстерергә язсын», «Ходаем, сау-сәламәт, миһербанлы балалар насыйп итсен», «Искиткеч, күз тимәсен», «Бик килешә. Әмма баланы җитәкләп йөри алганга кадәр бик күп көч куеп үстерәсе бар», – дип язганнар.
