Алия Карачурина Ришат Төхвәтуллин белән клубта танышканын сөйләгән
Җырчы Алия Карачурина инстаграм сторисларында сәхифәсен карап баручыларның сорауларына җавап биргән.
Инстаграм дуслары Алиядән көндәлек киемнәрне каян алуын, сәхнә һәм иҗаттан тыш нәрсәләр белән кызыксынуын сорашканнар. Шулай ук укучыларын җырчының Ришат Төхвәтуллин белән кайда танышуы кызыксындырган.
«Ничек кенә сәер яңгырамасын, әмма без Ришат белән клубта таныштык. Ваһапов фестиваленнән соң яхшрырак аралаша башладык. Аннан мин аның төркеменә килдем», — дип язган Алия.
Алиядән: «Бәбиләрне кайчан планлаштырасыз?» — дип тә сораганнар.
«Кияүгә чыгу белән үк», — дип җавап язган җырчы.
Шулай ук Алиягә инстаграмда сирәк күренәсең дип кисәтү ясаганнар, яраткан җырчыларын инстаграм лентасында ешрак күрәселәре килүне әйтеп сөендергәннәр.
