Алия Карачурина диплом алган
Ришат Төхвәтуллин төркемендә эшләүче җырчы Алия Карачурина Мәдәният һәм сәнгать институтын тәмамлап, диплом алган. Бу хакта ул үзенең “Инстаграм”ында хәбәр итте.
“Ну всеее! Хәзер мин дипломлы белгеч. Рәхмәт әни, әти, абыем, туганнарым, дусларым, якыннарым, авыр чакларда терәк булганыгыз өчен!” дип язган Алия.
Алияне дуслары дипломы белән котлап, матур теләкләр калдырган. Араларында җырчыдан кызыл диплом көтү турында комментарий язучы да бар.