Алия Карачурина бала тотып төшкән: «Ришат, качып кына бәби үстереп ятасыз мәллә?»
Татарстанның һәм Башкортстанның атказанган артисты Ришат Төхвәтуллинның инстаграмдагы фан-аккаунтында Алия Карачуринаның бала тотып төшкән фотосын урнаштырганнар. Халык бу баланы Алия белән Ришатның сабые дип фараз кылган.
Җәйнең беренче көне белән дуслар, — дип язылган Ришат Төхвәтуллинның инстаграмдагы фан-аккаунтында.
Халык Алия Карачуринаның яшь бала тотып төшкән фотосын төрлечә фаразлаган: «Ришат, матурым, качып кына бәби үстереп ятасыз мәллә», «үзеңнеке белән төшәргә вакыт», «бу Алиянең баласымы, ире кем?», «үзеңә вакыт бала сөяргә, Алиякәй!» — дип язган.
Кайбер тамашачы фотодагы баланы Ришат белән Алиянеке дип тә уйлаган: «Исанлек, матурлык, озын гомер, шатлыкта яшәп, бәхетле булып үссен нәниегез, үзегезгә пар канатлар Ришат белан Ходаем, күзләр тимәсен сезгә, моңлы җырлар белән безне шатландырыгыз, сез матур, яшь парлар», — дигәннәр.