Алия Фәйзрахманова: «Сәфәрова борчылып, «Мега»ны да яптыртып куймаса ярый инде»
Берничә айга сузылган үзизоляция чорыннан соң янәдән сәүдә үзәкләре ачылды. Актриса Алия Фәйзрахманова «Мега» сәүдә үзәгенә барып, күзәтү ясап кайткан.
Алия Фәйзрахманова кием киеп карау бүлмәсенә һәм кассага булган зур чиратларны фотога төшереп куйган. Кеше күп булу сәбәпле, үзенә күлмәк тә ала алмыйча, кайтып китүе хакында хәбәр итә ул. «Сәфәрова, кешелек дөньясы өчен борчылып, «Мега» сәүдә үзәген дә яптыртып куймаса ярый инде», — дип язган ул.
Хәтерләсәгез, Гөлназ Сәфәрова үзенең Инстаграм битендә пандемия вакытында Лаеш районының пляжында халыкның күп йөрүе өчен борчылып, кирәкле чаралар күрүләрен сораган иде. Шуннан соң пляж ябылды.
