Фигуралы шуу буенча олимпия чемпионы Алинә Заһитова Парижга сәфәреннән яңа фотолар күрсәтте. Ул аларны Телеграм-каналына куйган.
Заһитова кызыл мини-шортыдан һәм озын җиңле кыскартылган кофтадан фотога төшкән. Ул тасмалы кара туфли һәм ярым үтә күренмәле кара гольфы кигән. Спортчы кыз образны кечкенә кара сумка белән тулыландырган.
lenta.ru язганча, спортчының тормышын күзәтеп баручылар Заһитованың тышкы кыяфәтен кабул итмәгән. Кайбер язылучылары 22 яшьлек фигуристканың ябыгуын сәламәтлегенә бәйле дип уйлый, шулай ук аны пластик операция ясаткан дип тә шикләнәләр.
Элегрәк Заһитова имиджын кискен үзгәрткән иде. Ул чәчен шәмәхә төскә буяды һәм «челка»сын кисте. Кайбер кулланучылар спортчының яңа образын тәнкыйтьләде, җавап итеп, ул аларны блоклады.
Заһитова – Россия тарихында дөнья фигуралы шуу буенча барлык титулларны яулаган бердәнбер ялгыз спортчы. Ул 2018 елгы Олимпия чемпионы, Дөнья һәм Европа чемпионы, шулай ук Гран-при финалы җиңүчесе булды. 2019 елда фигуристка карьерасын тәмамлады, телевидение алып баручысы эшенә һәм шоуда катнашуга игътибарын юнәлтте.
Фото: © Алинә Заһитованың социаль челтәрдәге сәхифәсеннән