Олимпия чемпионы Алинә Заһитовага Яңа елга 500 еллык япон кылычы бүләк иткәннәр. Ул реликвия фотосын телеграм-каналында урнаштырган.
Алинә «кылыч 500 еллык» дип язган һәм аны «ярты гасырлык сәнгать әсәре» дип атаган. Бу хакта «Татар-информ» яза.
«Бу япон кылычы – гади генә корал түгел, ә чын сәнгать әсәре. Аңа якынча ярты гасыр, һәм ул суэ-кото чорының (XVI гасыр) борынгы осталары традицияләре буенча тамахаганэ тимереннән ясалган. Кылычтагы һәр бизәк – тарих эзе, самурайларның осталыгы һәм рухы чагылышы», – дип язган Алинә Заһитова.
Соңрак, үз хатасын танып, ярты гасырның 500 ел түгел, ә 50 генә ел булуын аңлап, ул телеграм-каналында икенче язма куйган.
«Йокы аралаш ялгыш әйткәнмен. Кылычка ярты гасыр, дидем, ә чынлыкта – аңа 5 гасыр. Моның нинди байлык икәнен күз алдыгызга китерә аласызмы?» – дигән Олимпия чемпионы.
Фото: © Алинә Заһитованың телеграм-каналы
