СССРның атказанган тренеры Татьяна Тарасова Олимпия чемпионы Алинә Заһитова спорт өлкәсендә җитәкче булыр эшли алыр дип саный. Бу турыда ул Sport24 сайтына әйткән.
«Заһитова спорт функционеры була яки Спорт министрлыгында эшли аламы? Ә ник булмасын, була ала», - дигән Тарасова.
Аның сүзләренчә, Алинәгә әле күп әйберләрне өйрәнергә кирәк.
«Моның өчен күп укырга, язарга, үзең башкара торган эшне белергә, тренер булырга кирәк. Аның спорт тәҗрибәсе, әлбәттә, аңа ярдәм итәчәк. Калганы аның теләгенә һәм максатларына бәйле», - дигән Тарасова.
Моңа кадәр билгеле булганча, Алинә Заһитова «Яңа заман спортчысы» («Спортсмен нового времени») номинациясендә премия алды.
«Бу бүләк өчен зур рәхмәт. Минем өчен «Яңа заман спортчысы» номинациясендә җиңү зур кыйммәткә ия, чөнки спорт – ул минем бөтен тормышым», - диде Заһитова. Бу хакта «Матч ТВ» хәбәр итә.
Ул Россия спортына нәрсә кирәк булуын белүе турында әйтте.
«Мин безнең спортка нәрсә кирәген беләм, сезнең белән бергә аны көчлерәк итәсем килә. Әлегә спортчы һәм телетапшырулар алып баручы буларак, ә киләчәктә — кем белгән», - диде Алинә Заһитова.