Фигуралы шуу буенча Олимпия, дөнья, Европа һәм Россия чемпионы Алинә Заһитова Мәскәүдә күчемсез милек сатып алуы турындагы мәгълүматны раслады. Бу хакта «Татар-информ» хәбәр итә.
«Олимпия тәҗрибәсе мине үземә һәм әйләнә-тирәмдәге бөтен нәрсәгә таләпчән булырга өйрәтте. Фатир минем максатларым өчен эшли торган урын булырга тиеш – бу ял, эш яки иҗат булырга мөмкин», – дигән Алинә.
23 яшьлек фигуристка 2025 елның җәендә Санкт-Петербургта «Ассоль» боз-шоу премьерасын тәкъдим итте, анда ул төп рольне башкарды.
Шулай ук күптән түгел генә Заһитова, интернетта аның турында иң күп сөйләшкән шәхес буларак, «Voice Influencer Awards» премиясенә ия булды, диелә хәбәрдә.