Алинә Сафиуллина: «Сәмәркандта узган Сабантуйга киемнәребез килеп җитмәде»
Гадәттә, татар җырчылары төрле төбәкләрдә узган Сабантуй бәйрәмнәренә бара. Алинә Сафиуллина белән Руслан Хәсәнов Үзбәкстанның Сәмәрканд шәһәренә барган.
Алинә Сафиуллина белән Руслан Хәсәнов Үзбәкстан Сабан туена барды. Алинә сөйләвенчә, аларның багажлары Самаркандка килеп җитмәгән.
«Чемоданнарыбыз килеп җитмәде. Без инде Татарстанда, ә безнең багаж әле һаман кайтып җитә алмый. Иртән Сәмәркандка килеп төштек, киемнәребез үзебез белән түгел иде. Ә Үзбәкстанга көненә бер генә рейс бар икән.
Үзбәкләрнең милли киемнәрендә дә безнекеләрендәге кебек төрле орнаментлар бар. Хәзер күлмәк аласы булды инде, мин бит спорт костюмыннан идем. Сатулаша-сатулаша базардан алдык инде. Жилетын - бер кешедән, күлмәген башка кешедән сатып алдым. Косметика да, чәч ясый торган җайланмам да - барысы да багажда иде. Анда яшәүче татарлар туфли биреп торды», - дип сөйләде Алинә.
