Алинә Сафиуллина өйләнгән ир-атлар турында: «Паспортыңны күрсәт, дип әйтмисең бит инде»

«ТМТВ» телеканалында «Сөйләшергә кирәк» тапшыруында җырчы Алинә Сафиуллина өйләнгән ир-ат белән мөнәсәбәтләре булуы турында сөйләде.

«Синең белән бер аңлашылмаучылык килеп чыккан иде. Бер кыз социаль челтәрдә синең турында теләсә нәрсә язды, синең фотоңны куйды», – дип искәртте тапшыруны алып баручы Лилия Кадыйрова.

«Андый очрак булган иде. Мин бер ир-ат белән аралаша башладым, һәм аның ялгыз булмавы ачыкланды. Миңа чәчәкләр бирәләр, очрашуга чакыралар, аралашабыз, бүләкләр бирәләр. Ир-ат синең арттан йөри, төрле вакытта килә, ялларда да синең яныңда икән, аның кемедер бар, дип уйламыйсың бит инде. Минем ирем була икән, ялларда аның безнең белән булуын сораячакмын. Менә мин шундый инде…

Очрашуга килгән кешегә, паспортыңны күрсәт әле, дип әйтмисең бит инде. Кайчан әйтәсең, шунда килә, шалтыратсаң, теләсә кайсы вакытта җавап бирә, берәр мәсьәлә килеп чыкса – хәл итә. Ул вакытта, аның вакыты бар икән, дип уйлыйсың. Аннары аның өйләнгән кеше икәнен белгәч шаккаттым», – дип сөйләде җырчы.

Җырчы бу хакта «ТМТВ» каналы видеосында 41.40 минутта сөйли башлый.

Алинә Сафиуллина: «Чын мәхәббәтемне очраткач кына кияүгә чыгачакмын».