Алинә Сафиуллина: «Иң гөнаһсыз кешеләр – җырчылар. Чәйниләр безне, яманлыйлар...»
Алинә Сафиуллина җырчыларга карата тәнкыйть күп булуга карата кәнәгатьсезлек белдергән.
«Яңалыкларны карыйм да, иң яхшы, гөнаһсыз кешеләр – җырчылар, дигән уйга киләм.
Чәйниләр безне, яманлыйлар, күпсенәләр, җырлатмаска тырышалар. Җырлый белмәгәннәр: «Үзем җырлыйм, үзем биим, үзем алып барам», – диләр.
Ә без? Без нәрсә! «Исем китте әле», – дибез дә, рәхәтләнеп җырлыйбыз, иҗат итәбез!
Товарищи, үз самооценкаңны күтәрүнең иң җайлы ысулы – җырчыларны яманлау ахры сезгә, әйеме?» – ди яза ул үзенең сәхифәсендә.
Виртуаль дусларының бу турыдагы фикерләре белән җырчы бүлешмәгән әле. Ә сез Алинә Сафиуллина белән килешәсезме?
