Алинә Давыдова «Егетләр» төркемендә эшли башлаган, ә «Ямьле» кызлары яңа солистка тапкан

Күптән түгел генә җырчы Алинә Давыдова үзенең «Ямьле» төркеменнән китүен хәбәр иткән иде.

• Концерты алдыннан «Ямьле» төркеме: «Алинә белән соңгы чыгышны ясадык»

Шушы көннәрдә Алинә үзенең яңа төркем белән эшли башлавы хакында язды.

«Без бу вакыйганы барыбыз да көттек. Иҗат юлымдагы яңа этап башлана. Җырлавымны «Егетләр» вокал-инструменталь төркеме белән дәвам итәчәкмен. Сез бу «текә» егетләргә карагыз әле. Сезгә бик кызыклы проектлар әзерлибез. Чыгышларыбызда күрешкәнгә кадәр», – дип яза ул.

«Ямьле» төркеме дә яңа солистка белән тулыланды. Хәзер төркемдә Алинә Давыдова урынына Айгөл Шәйхалиева исемле яңа җырчы кыз эшләячәк. Айгөл, кастинг узганнан соң, Казанга башка шәһәрдән күченеп килгән.