Алинә Заһитованы кеше егетен тартып ала дип тәнкыйтьлиләр
«Алинә 2018 елда Женяның алтынын алды, хәзере егетен ала», — дип язалар.
Алинә Заһитова танылган блогер, «Ледниковый период» тамашасында Евгения Медведеваның партнеры булган Даня Милохин белән видео төшереп, ТикТокка куйган.
Аны социаль челтәр кулланучылар тәнкыйтьләп ташлаган. «Женяның бөтен әйберен алып бетерде», «Алинә 2018 елда Женяның алтынын алды, хәзер егетен ала», — дип язалар.
Милохин ике тапкыр дөнья чемпионы Евгения Медведева белән «Ледниковый период» тамашасында чыгыш ясады. Алар хәтта чынлап үбешә-үбешә биеделәр, дип яза «Татар-информ».
2018 елда Пхенчханда Олимпиадада Алинә Заһитова Евгения Медведеваны узып, алтын медаль яулаган иде.