Алинә Заһитованы «Ак Барс» хоккейчысына «кияүгә бирәләр»
«Алинә Воронкова кайгыра, хәзер аның гаиләсенә текә машина бирмиләр», — дип яза журналист.
Пекиндагы Олимпиадада Россия хоккейчылары финалда оттыргач, Олимпия чемпионы Алинә Заһитова елаган.
Журналист Алексей Шевченко исә моннан көлеп язган. «Алинә Воронкова кайгыра, хәзер аның гаиләсенә текә машина бирмиләр», — ди ул.
Шулай итеп журналист Алинә белән «Ак Барс» хоккейчысы Дмитрий Воронков арасындагы мөнәсәбәтләргә төрттерә, дип яза «Татар-информ».
Алинә Заһитова исә бу пост турында сторис куйган. «Мондый язмалар — журналистика түгел. Күпләр шундый тәртибе белән профессияне бозуы кызганыч», — ди ул.