Алинә Заһитовага дүрт бүлмәле фатирны кем бүләк иткән?
Фигуристка ул фатирны әти-әнисенә бүләк итәргә карар кылган.
Удмуртия башлыгы Александр Бречалов фигуралы шуу буенча олимпия чемпионкасы Алинә Заһитовага туган шәһәре Ижевскида дүрт бүлмәле фатир ачкычын тапшырган. Бу хакта ТАСС хәбәр итә.
“Синең гаиләгезнең торак шартларын яхшырту хыялың булган дип ишеттем”, - дигән Бречалов.
Заһитова, үз чиратында, фатирны әти-әнисенә бүләк итәргә карар кылган. “Сезнең рөхсәт белән фатирны әти-әниемә бүләк итәм”, - дип белдергән фигуристка.
