Олимпия чемпионы Алинә Заһитова Кытайның Пекин шәһәрендә узачак Олимпиадада журналист булып эшли башлый. Бу турыда ул социаль челтәрдә яза.
Ул журналистларны ничек ашатуларын күрсәтеп видео төшергән.
Кадрларда фигуралы шуу буенча Олимпия чемпионы Алексей Ягудин, танылган тренер Илья Авербух та бар.
Алинә Пекинга 31 гыйнварда килгән. Ул аккредитацияләнгән журналист буларак эшләячәк, дип яза «Татар-информ».
