Алинә Заһитова: «Синең янәшәңдәге һәр көн мине бәхетле итә иде»
Спортчы кызның дүрт аяклы дусты - яраткан песие үлгән.
Алинә Заһитованың Ириска исемле яраткан песие үлгән. Спортчы песиен бик сагынуы, үзенең уңышлары һәм җиңүләрендә аның да өлеше зур булу турында яза. «Син тормышыма килеп кергәч, барысы да үзгәрде. Синең янәшәңдәге һәр көн мине бәхетле итә иде. Мин авырып китсәм яки уңышсызлыкка очрасам, син моны тоя идең. Ириска, син һәрвакыт безнең йөрәкләрдә калырсың. Мин сине бик яратам. Мин бу хакта бик озак вакытлар сөйли алмадым. Чөнки синең бу дөньяда булмавыңны кабул итә бик кыен булды», — дигән.
«Йорт хайваннары гаилә әгъзаларына әвереләләр шул алар», «Ирисканың урыны оҗмахта булсын», «Дусларны югалту авыр, ләкин тормыш дәвам итә», «Кайгырма, Алинә, тормыш шулай инде ул», «Ириска сиңа күкләрдән ярдәм итеп торачак», — дип тынычландырган инстачылар спортчы кызны.