Алинә Заһитова очрашып йөргән егете турындагы сорауга җавап бирде
Массакүләм мәгълүмат чараларында Россия спортчылары 15 яшьлек Алинә Заһитова белән 20 яшьлек Кирилл Капризов очрашып йөриләр дигән имеш-мимешләр йөри. Фигурист кыз аларга нокта куерга теләп, Көньяк Кореядән кайткач журналистларга интервью биргән.
15 яшьлек Ижау кызы Алинә Пхенчханда узган Олимпиада уеннарында ялгыз шуу буенча ярышларда беренче урынны яулап алтын медаль иясе булды һәм тиз арада спорт йолдызына әйләнде. Журналистлар һәрдаим кызның тормыш юлын өйрәнде, спорттагы уңышларын күзәтте. Соңгы арада Алинәнең шәхси тормышы турында төрле имеш-мимешләр ишетелде. Массакүләм мәгълүмат чаралары кызның “алтын шайба” иясе Кирилл Капризов белән очрашып йөрүе хакында яздылар. Мондый сүзләргә сәбәп тә юк түгел. Шаһитлар сүзләренчә, самолет бортында хоккейчы һәм фигуристка озак кына сөйләшеп утырганнан соң телефон номерларын алмашканнар.
Шушы көннәрдә япон телеканалының эфирында Заһитова моның хакмы-юкмы икәнен журналистларга тәгаен әйтте.
“Очрашып йөргән егетегез бармы? Юк. Бу хакта уйлаганым да юк. Беренчедән, мин кечкенә, икенчедән, спорт минем өчен беренче урында. Хәзер бары тик дусларча аралашсак кына була”, - дип белдергән Алинә.
Шулай ук Алинә ирешелгәндә туктап калырга җыенмавын һәм киләчәктә чиста һәмхатасыз шуырга теләвен белдергән.
Шушы көннәрдә япон телеканалының эфирында Заһитова моның хакмы-юкмы икәнен журналистларга тәгаен әйтте.
“Очрашып йөргән егетегез бармы? Юк. Бу хакта уйлаганым да юк. Беренчедән, мин кечкенә, икенчедән, спорт минем өчен беренче урында. Хәзер бары тик дусларча аралашсак кына була”, - дип белдергән Алинә.
Шулай ук Алинә ирешелгәндә туктап калырга җыенмавын һәм киләчәктә чиста һәмхатасыз шуырга теләвен белдергән.