Алинә Заһитова кыска күлмәк киеп ашарга пешергәндә төшкән фотосын күрсәтте
Алинәнең ризыкларын сеңлесе тәмләп карый.
Олимпия чемпионы, хәзер Беренче каналда «Ледниковый период» тамашасында алып баручы Алинә Заһитова аш бүлмәсендә кыска күлмәк киеп кенә фотога төшкән. Фотоны ул инстаграмдагы сәхифәсендә сторизка куйган. Бу турыда «Татар-информ» хәбәр итте.
Алинәнең спорт формасындагы фигурасын күрсәтеп, «спорт карьерасын тәмамлау турында сөйләргә иртәрәк», дип аңлатасы килгән, күрәсең. Ул яшелчәләр турап тора, тәмле ризык әзерли. Инстаграмда «Алинә кулинар» дигән папка да барлыкка килгән, диелә бу хәбәрдә.
Видеода Алинә сеңлесен сыйлый. «Ничек?» — дип сорый. Сеңлесе: «Тәмле», — ди. Бу кадрларны «Алинә кулинар» папкасыннан кереп карап була.