Алинә Заһитова эте Масару белән бергә «Хатико» фильмына охшаш кинода төшә
«Пальма» фильмының япон версиясендә Алинә үзе булып уйный.
Олимпия чемпионы Алинә Заһитова «Пальма» фильмының япон версиясендә төшә. Ул үзе булып уйнаячак. Бу турыда фильмның Россиядәге версиясенең режиссеры Александр Домогаров-кечесе сөйләгән, дип яза «Татар-информ».
«Без Алинә Заһитова үзенең эте Масару белән булыр дип уйлыйбыз. Заһитованы Япониядә яхшы беләләр, биредә аның җанатарлары күп. Фильмда ул үзе булып уйный», — ди Домогаров.
Фильмның сюжеты «Хатико» фильмына охшашрак. Герой чит илгә китә, очу полосасында этен калдыра. Эт Пальма исемле. Аның медицина белешмәсе булмау сәбәпле, самолетка утыртмыйлар. Эт хуҗасын бик озак көтә, һәр самолетны каршы ала, аннары 9 яшьлек малайның бик якын дустына әверелә.
«Пальма»ның ике версиясе була. Берсе Россиядә, икенчесе Япониядә күрсәтеләчәк. Япон версиясе өчен аерым сюжетлар төшерелә. Ул Япония прокатына 2021 елда чыга.
«Пальма» фильмын Россиядә быел 8 октябрьдә күрсәтәләр.
- Алинә Заһитова Олимпиадада җиңгән өчен, «Хатико» фильмындагы кебек эт сораган булган. Япония вәкилләре Алинәгә шундый эт бүләк иттеләр.
- Алинә Заһитова тимераякта шуа торган эте турында сөйләде — видео
- Алинә Заһитова япон мультигы героена «әверелгән» — видео
Акита-ину считаются символом верности и преданности хозяину. #Загитова #AKITAINU pic.twitter.com/KCtLf0Y6FG
— Мировые новости (@RIA_Worldnews) May 26, 2018