Алинә Заһитова быелгы сезонда ничә миллион акча эшләгән?

Олимпия чемпионы 16 яшьлек Алинә Заһитова Япониядә узган чемпионатта беренче булды. Шуның өчен аңа 65 мең доллар хезмәт хакы бирәләр (13 процент салым алганга кадәр). Бу турыда Чемпионат.соm сайты язды.

Фигуралы шуучының Россия һәм Финляндиядә узган ярышларда ике алтын, Гран При этабында бер көмеш медале бар. Алар өчен Алинәгә 54 мең доллар бирәләр. Минскидагы Европа чемпионатындагы көмеше өчен аңа 16 мең доллар түлиләр.

Шулай итеп, 2018/19 елгы сезон өчен Алинә Заһитова 135 мең доллар акча эшләгән. Безнең акчага күчергәндә, бу 8,6 миллион сум чамасы була.