Алинә Шәрипҗанова "Нигә сиңа “Алтын барс” премиясен бирмиләр?" дигән сорауга җавап биргән
Тамашачы Татарстанның атказанган артисты Алинә Шәрипҗанованың ни өчен “Татар җыры” фестивалендә катнашмавы хакында сораулар яудырган. Җырчы әлеге сорауга Инстаграм битендә җавап биргән.
“Бүген бик куп сораулар сторизга килде:"Алинә, ник сиңа “Алтын барс” премиясен бирмиләр? Дәүләтебез өчен сәхнәгә күп чыгышлар ясыйсыз”. Әйтәсем килә: минем өчен борчылмагыз. Дүрт барсик бар минем, һәм "Татар җыры" фестивалендә мин киләчәктә катнашачакмын, Алла теләсә. Әле "Дуслык күперенә" әзерләнәбез, апрельдә күрешербез! Казан шәһәр филармониясе артисты буларак, үз эшем белән горурланам: көн саен сәхнәдә”, - дип язган Алинә Шәрипҗанова.