Алинә Сафиуллина Төркиядәге ялы турында: “Керфекләр коелып бетте, дүрт кило өстәлде...”
Татар эстрадасы җырчысы Алинә Сафиуллина улы Нариман белән быелгы җәйге ялын Төркиянең Белек курорт-шәһәрендә үткәрә. Бу турыда ул инстаграм битенә язып куйган.
“Булды бу! Керфекләр почти коелып бетте, плюс дүрт кило өстәлде, көн дә туңдырма ашап, борыннар тыгыла башлады. Кайтасы булыр. Ничек хәлләр Казанда? Монда килгән көнне су май, һава торышы +38 иде. Хәзер инде су бераз суынды, теге +38гә җиле өстәлде. Менә шундый хәлләр”, - дип язган җырчы.