Алинә Сафиуллина: «Кеше гомере буе оятсыз булып, аннары оятлыга әйләнми»
Татар эстрадасы җырчысы беркемнең дә берничек үзгәрмәве, ничек бар, шулай булып калганы турында Инстаграм битендә язган.
«Менә уйлап утырам әле… Кеше гомер буе оятсыз булып, кинәт кенә оятлыга әйләнми бит инде ул, әйеме? Без кечкенә чакта әкиятләрдә генә күрсәтәләр иде, начарлыкны яхшылык җиңә, аннан шул тәртипсез үзгәрә, яхшыга әйләнә дип.
Әкият… Беркем берничек үзгәрми, нинди булган — шулай кала… Үз җаен эзләп йөрүче кешеләр сугыш вакытында да булган. Әби-бабайлар сөйли иде, юри аякларын сындырып, сугышка бармый калучылар булган. Шул сугышта тоткынга эләккәч, фашистлар ягына күчеп китүчеләр дә булган.
Аллаһ бар, Аннан куркам дип тормаган… Бик бормалы вә сырмалы булды бу язма, кыскасы», — дип яза Алинә Сафиуллина.
«Бик дөрес язгансың, нигәдер шул оятсызлар кеше башыннан йөреп, үзләренә бөтен рәхәтлекне алырга телиләр, әмма барыбер азагы начар бетә, Ходай аларны үз урынына утырта», «Шулай… тормышлар борма белән сырмадан тора…», «Электән әйткәннәр, бөкрене кабер генә төзәтә дип, начарны яхшыга үзгәртүе авыррак дип уйлыйм, менә бик әйбәт кешеләрнең түбәнгә тиз тәгәрәгәннәрен беләм, кызганыч», — дигән халык.