Алинә Сафиуллина 14 ел элек яздырып онытылган җырын исенә төшергән
Җырчы «Көнләмә, көттермә, соңлама» җырының минусовкасын эзли.
Алинә Сафиуллина 2007 елда «Көнләмә, көттермә, соңлама» дигән җыр яздырган булган. Шәмсия Җиһангирова сүзләренә Илшат Вәлиев язган булган. «Күптән түгел тыңлап чыктым бу җырымны. 2007дә яздырылган. Ярыйсы гына җырлаганмын», — дип язган ул.
Җырчының дуслары да бу җырның онытылганына аптыраган.
«Беренче тапкыр ишетәм. Ник син аны беркайда да җырламыйсың, шундый шәп җыр», — дип язган Айгөл Бариева.
«Җырларга кирәк дип минусын эзли башладым. Машинада тыңлаган идем беркөнне, үзем дә шаккаттым шундый шәп җыр яздырганыма», — дип җавап биргән Алинә.
«Текстын укыганда ук көйләп укылды да җыр булды да куйды. Молодец матур башкардың», — дип язган җырның авторы Илшат Вәлиев.
Алинә җырның минусовкасын таба алмавын язган. Җыр ошадымы? Минусовкасын тапсын дип теләп торасызмы?