Казан шәһәр филармониясе артисты Гөлнара Мулланурованың әтисе вафат.
«Бүген әтинең җидесе Самара шәһәрендә укытылды. Гастрольгә киткәнгә, укыта алмыйм дип, бик борчылган идем. Ә Аллаһ үзе юлларын белә. Безне ашарга мәчет ашханәсенә китерделәр дә, насыйп булып укыттым да. Йә, Раббым, кабуллардан булсын!
Әтием, җаным, тыныч йокла.
Дуслар, сезгә зур рәхмәтләремне әйтәсем килә. Садакаларыгыз, җылы сүзләрегез өчен. Барысы да сезгә саваплар булып әйләнеп кайтсын. Әле дә күңелнең ышанасы килми...», – дип язды ул.
